ظلمتنى يا نور العين

ظلمتني يانور عينـي ونبَشـت الجـروح
وانا الذي في دنيتي ما عشق قلبي سـواك
العام الاول نقضي الوقت في ضحك ومزوح
واليوم تطعني من الخلف مدري وش دهاك
اشرح لي اسباب الجفاء قبل ضني لا يروح
ويش الذي خلاك تنصب على قتلي شبـاك
كم ليلةٍ وآنا عيوني مـن اسبابـك تنـوح
ماهمني غير اني اشوف بعيونـك رضـاك
لا تقتل الحلم الذي عاش في القلب الطموح
خل الامل مرسوم دايم على ضحكة شفـاك
استرجع الماضي وشف كم بنينا من صروح
هل يستحق اني في اليوم اكون اول عـداك
لا تخفي اسرارك بقلبك ترى صدرك يفوح
الناس من حولك تربص تبي تهتك حمـاك
وانا السجين اللي منع من حبيبه لا يبـوح
منعتني عن غايتي وانت تسبح في هـواك
وجهك حجبته عن عيوني وغطيته بلـوح
وشلون تستعمر فؤادي وتوردنـي الهـلاك
قضيتي بيدك وتحتاج الى بعض الشـروح
احكم بما يرضي ضميرك ترى قلبي فـداك

HoLlOw EgYpTiOn

الله الله عليك
احساسك رائع وكلمات راااااااااائعه جدا