يلا جبتلكم كوورس لمبادئ الغلاسة و الندالة
ابدأ بإيه الاول
الغلاسة ولا الندالة -الغلاسة ولا الندالة -الغلاسة ولا الندالة
خلوه كورس مبادئ علم الغلاسة الاول
===
يلا هنبدأ الكورس
المادة الأولى :
مبادئ علم الغلاسة
--------------------
لما تسأل واحد وتقلوا أقول ولا مقولش ..يقلك قول ..قله قول وطعميه .
لما تسأل واحد وتقله صح ولا غلط ..يقلك صح ..قله صح النوم
لما تسأل واحد وتقله الكلام دا حصل ..قالك حصل ..قله حصل وطحينه
لما واحد يقلك انا جيت نورت البيت قله ..لا دا نور الكهربه
لما تسأل واحد وتقله دا احلى ولا دا ..وقالك سيان ..قله سيانى بتوجعنى انا لازم اروح لدكتور السيان
لماتسال واحد ايه رايك فى حاجه ..وقالك جامده ..قله جامده برباط ... و لا جامدة ما بتتكسرش
لما تلاقى واحد لابس شيك كده او عامل حاجه حلوة ..قله ايه الحلاوه ديه مافيش جبنه
لما واحد يقلك انه بيعمل حاجه ومش راضيه تتعمل ..قله ما انت فقر .... اه فقر وقطه
لما واحد يقلك طز فى اي حد .. قله طز بلبن
لما واحد يقلك دا انا مفيش زييي واحنا اللى دهنا الهوا دوكو .. قله احنا
اللى عملنا الهوا كروهات ... ولبسنا السمك مايوهات ... وخرمنها لما حبينا
نغرقوا
لما تلاقى شب بيستظرف قله : ايه يلا العسل ده مولود ف بالاص ولا امك نحله
لو لقيت حد لابس قميص مكرمش قله ايه القميص الى طالع من بق كلب ده .... ولو لون القميس غريب قله مافيش منه رجالى ده
لو حد استظرف عليك قال على قميصك مافيش منه رجالى ... قله لا والله ده اخر واحد
لو حبيت تخنق حد قله معاك ولا عه يقولك لا – ولا كبريت .... لا – ولا
ظلتين عشان نولع بالشراره ... لا – طب معاك بوتجاز .... لا - ؟؟؟امال
بتاكل الأكل نى ولا ايه .....
الخ الخ لحد مايضربك
قول نكته طويلة أوى وتعالى عند أخرها وأعمل نفسك نسيتها
كل ما حد يقولك حاجه عيدها بس على هيئة سؤال مثلا هايقولك "مش أنا اتجوزت"
قوله "أتجوزت؟!" هايقولك "اه الشهر اللى فات" قوله " الشهر اللى فات؟!"
..... و هكذا
دى بقى لو عاوز تغلس بحاجات فعلية مش كلام بس
هات بخاخة مطهر و أمشى ورا واحد و كل مايلمس حاجة تروح راششها بالمطهر على طول
لما حد يشكى لك من حاجه قوله أنا عندى مشاكل أكتر منك
فى مطعم بص للناس اللى على التربيزة اللى جنبك وهى بتاكل ودقق أوى
و انت بتتكلم مع واحد متبصش فى وشه خالص
واحد تانى بقى دقق فى ملامحه بص لودانه وشعره وكده
و أنت فى المول ماتمشيش عادى لأ أفضل نط لحد ماتوصل للمكان اللى رايحه
مش كده وبس أى حاجة تقابلك فى سكتك طبل عليها
فى المترو امضغ أمضع لبانة بصوت عالى و أنت واقف جنب حد بيقرا مجلة او جرنان و أنت بتقرا معاه طبعا
أعزم ناس تعرفها ملهاش علاقة بمناسبة عيد ميلاد حد تعرفه وياسلام لو معزوم على الفطار لازم تاخدلك مش أقل من أتنين فى إيدك
لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية
سيب إاشارة العربية الشمال شغاله لمده 5 كيلو متر من غير ماتلف و بعدين اطفيها و كمل طوالى
ألبس جراب زى الجراب اللى بيتحط فيه المسدس بس حط فيه الريموت كنترول وكل ماتقابل حد طلعه فى وشه قالى يعنى هتضربه بالنار
أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان
لو فى مناسبة فيها دى جى أستلم بتاع الدى جى بأغنية يشغلهالك ولوشغلهالك أستلمه يكررهالك علطول عشان بتحبها
لو واقف جنب حد بيعد فلوس و فى وسط ما هو بيعد قول اى رقم عشوائى زى 423
----
ده كورس مبادئ الغلاسة كدة
----
دلوقتى بقى كورس مبادئ الندالة
ركزوا شوية في الكورس ده بقى علشان تعرفوا تذاكروه
محدش يدفع فلوس يا جماعة اانا قلتلكم مجانى
***********
المادة التانية:
مبادئ علم الندالة
-------------------
فى المترو
فى المترو وانت راكب المترو عادى زى مخاليق ربنا
لاقيت واحدة شكلها تعبانة وعماله ترسم على أى كرسى
ال يعنى تعبانة بجد وعايزة تقعد
المهم واحد عمل فيها أبن البلد الشهم وقلها أتفضلى يا ماما
رحت حضرتك زى البراشوت راشق على الكرسى
طبعا اول مبدأ من مبادىء الندالة انك تعمل عبيط
(( أمال بيطالبوا بالمساواة أزاى ))
فى المترو بردوا
طبعا اللى مركبش المترو بتاع خط حلوان أو المرج او شبرا
يبقى مجاش مصر من أساسه
المهم
حضرتك راكب فى المترو وطبعا فى محطات بيبقى المترو زحمة جدااااااااا
بتعمل انت ابن البلد الشهم
وتمسك الباب لاى واحد جاى علشان يركب
واول ميبقى خلاص هيركب بتقوم سايب الباب يقفل
فى البيت
متضايق مثلا من اخوك او اختك لو حد منهم هيدخل الحمام يغسل وشه او ايده
الحق ادخل قبله و شغل المية السخنة على الاخر و سيبها 5 دقائق كدة و بعدين اقفل الحنفية و اخرج
يجى هو بقى داخل يغسل وشه اول لما يجى يفتح الحنفية الساقعة هيلاقى الاول مية سخنة مولعة نزلت عليه
بعدين هتبدأ تتحسن..و يا سلام بقى لو عملت فيه الحكاية دى و هو لسة صاحى من النوم
فى العزاء
لو أنت وواحد صاحبك فى عزاء
أعمل أى حاجة تخليه يضحك وأول ما يضحك أعمل فيها الشاب الهمام
وقوله متخلى عندك دم يا أخى ويا سلام لو تكون بصوت عالى
فى الشارع
لو وانت ماشى فى الشارع قابلتك واحدة ست عجوزة
وقالت لك عدينى الشارع يا ابنى اللهى يسترك
طبعا بتأخدها وتعديها وتسيبها فى الجزيرة اللى فى نص الطريق وتعمل عبيط
فى النت
لو اتعرفت على مجموعة ناس عن طريق النت وحبوا انهم يشوفوا حضرتك
اتفق معاهم على الميعاد والمكان
ويا سلام لو تختار مكان مفيهوش اى حته ظل
والشمس تأكلهم
وتديهم بمبة وتفلسع ومترحش
مع أصحابك
لو صاحبك غلبان أوى وملوش فى اى حاجة
وانتوا ماشيين فى الشارع زقة على اى بنت
وبعدين زعق له وقوله برضه مش هتبطل قلة الادب دى
قلت لك مليون مرة وانا ماشى معاك متعاكسش بنات
طبعا البنت هتديله باللى فى رجلها
وانت تسيبه وتخلع لان اول مهى هتديله باللى فى رجلها
الشعب كله هيبقى فى اللحظة دى ابن بلد وهياكلوه علقة مكلهاش حرامى غسي ل
=======
الإثنين يناير 05, 2009 4:43 pm